حكاية كوكب

حكاية كوكب
حكاية كوكب
هنحكي حكاية كوكب هو ثالث كوكب بالنسبة للشمس من بين 8 كواكب و هو الكوكب الأزرق و الكوكب الحي لأنة يحتوي علي كل ما يضمن استمرار الحياة من ماء و هواء و تربة و كائنات حية و غلاف جوي ( الموارد الطبيعية ) كوكب الأرض.
الله سبحانة و تعالي لما خلق كوكب الأرض و مهده و خلق فيه الموارد الطبيعية خلق الإنسان و كرمه و ميزة عن باقي الكائنات بالعقل عشان هو خليفة الله في الأرض عشان يحافظ و يستثمر في الموارد الطبيعية لانها هي مصدر الأكل و الشرب و الملبس و الصناعة و التجارة و الفلوس سواء للفرد او للدولة في صورة اجمالي الناتج المحلي.
الموارد الطبيعية ربنا بيجددها كل سنة و لن تنضب الي يوم القيامة و الأكثر من كدة ان العلماء لما قدروا قيمة الموارد الطبيعية وجدوا انها بتساوي 170 تريليون دولار / سنة و كمان بتساهم في اجمالي الناتج العالمي 50% يعني اي تدهور فيها هيحول الدول المتقدمة الي دول متوسطة و المتوسطة الي منخفضة الدخل و المنخفضة هتموت .
اهم مورد من الموارد الطبيعية هو الكائنات الحية ( التنوع البيولوجي ) لانة اساس الحياة علي كوكبنا فمن خلال العلاقات بين الكائنات الحية من ترمم و تكافل و تطفل حول الماء و الهواء و التربة و هي مكونات غير حية الي مكونات حية في النظام البيئي و كمان هي مصدر الإبتكار و ريادة الأعمال لان كل شيئ اخترعة الإنسان في الأساس يرجع فكرتة او شكله الي الطبيعة عشان احنا اتخلقنا من الطبيعة .
ربنا لما خلق الكوكب وضع له قانون هو قانون التوازن الطبيعي يعني اية الكلام دة نقول مثال كوكبنا عايش علية 7 مليار شخص يمثلوا 0.01 % من اجمالي الكائنات الحية علي الكوكب و المياة العذبة نسبتها للمسطحات المائية الأخري 0.01% ايضا و المياة سر الحياة .
السؤال احنا حافظنا علي التوازن الطبيعي ؟؟؟؟
تعالوا نجاوب علي السؤال و هنبدأ من أول الإنسان البدائي كان لا يملك شيئ غير عقلة و قوتة العضلية ليحصل علي اكلة و شربة و ملبسة و مسكنة فكان فاهم اهمية الطبيعة بالنسبة له و عاش الإنسان لفترة طويلة علي هذا الوضع لغاية لما سمع و شاف الألة و ابتدي يستخدمها بدون تعب و كمان وقت اقل و فلوس و هنا بدأت الثورة الصناعية و السبب فيها الدول المتقدمة و واحدة واحدة بدأ الإنسان يفكر في ازاي يزود الفلوس و نسي الطبيعة و الموارد و همه الفلوس و بدأ كمان يخترع و يطور في الألة لغاية لما افتكر انة امتلك الطبيعة و فهمها بس دة كان اعتقاد خاطئ
لأن الإنسان بدأ يرمي المخلفات في المسطحات المائية و يزرع بسماد كيماوي و دخان المصانع يلوث الهواء واعتمادة علي الوقود الأحفوري دة كان سبب في انقراض مليون كائن حي كل عام و تدهور 75% من مواردة و احنا عارفين ان اللي بيموت مش بيرجع بس الإنسان في الوقت دة كان كل تفكيرة في الفلوس و الدول بردة بتفكر ازاى تكون اغني و اقوي الدول لان القوة كانت مين معاة فلوس اكتر .
وكمان كان معتمد علي فكرة ان الموارد بتجدد كل سنة يعني اللي بيموت بيصحي تاني و ان التلوث ممكن بالفلوس الكتير نشيلة بسهولة و هو دة معني التنمية اللي عشنا فيها سنين و لسة عايشين فيها و بمرور الوقت بدأت المشاكل تحصل من فقر و جوع و ازمات اقتصادية و امراض و ارتفاع في الأسعار و كل دة بسبب غرور الإنسان بعقلة و عدم وعية بأهمية الموارد الطبيعية اللي هي مصدر الحياة .
طيب هو التلوث حجمة قد اية ركزوا معانا يكفي لدمار 4 كواكب بحجم كوكب الأرض و كمان عمل غلاف داخل الغلاف الجوي بسبب دخان المصانع و حرق القمامة و المتبقيات الزراعية و البلاستيك الغلاف دة عبارة عن مواد كيماوية استقرت بالقرب من طبقة الأوزون و منعت أشعة الشمس من الرجوع الي الفضاء الخارجي و بدأت درجة حرارة الأرض ترتفع ودي ظاهرة الإحتباس الحراري .
و هنا بدأ العالم يتكلم عن ثقب الأوزون … اية …. هو ينفع الأوزون يكون فيه ثقب لا طبعا طب لية عشان الأوزون عبارة عن 3 ذرات اكسجين و الهواء لا يمكن ثقبة امال الصح اية الصح تأكل طبقة الأوزون لأن المواد الكيماوية المستقرة عند طبقة الأوزون بدأت تتفاعل معاها و تقلل من سمكها اة سمكها اصل طبقة الأوزون سمكها 40 كم بدأت تتأكل .
و للأسف بسببنا خلينا كوكبنا يتملك منه مرض التلوث و بدأت الطبيعة تأن و تشتكي انا مريضة الله هو الطبيعة بتتكلم اة بتتكلم و المفروض اننا نفهما لاننا اتخلقنا من الطبيعة طب ازاى سيول و عواصف و اعاصير و توسونامي و حرارة شديدة و برد قارص علي فترات متقاربة
طب دة معناة اية معناة ان المناخ بعد ما كان بيتغير كل 100 سنة ضمن قانون التوازن الطبيعي و بسبب دوران الأرض حول الشمس و حول محورها بدأ يتغير علي فترات متقاربة و بقينا نسمع عن حاجة اسمها تغير المناخ و السبب الإحتباس الحراري لان الحرارة هي المكون الأساسي للمناخ بتغيرها يتغير الضغط و الرياح و الأمطار .
هنا بدأ العالم يتكلم عن مخاطر تغيرات المناخ من تغيرات فى درجة حرارة القطب الشمالى وتأثيرها على ذوبان الجليد و ارتفاع سطح البحر و ارتفاع في حموضة المسطحات المائية و موت الشعاب المرجانية و تغيرات فى درجة ملوحة المحيطات وشكل الرياح و حدوث الجفاف فى بعض الأماكن والأمطار الغزيرة فى اماكن أخرى و انتشار الموجات الحارة وزيادة كثافة الأعاصير و تقلص زمن فصلى الربيع والخريف ونقص في انتاجية الأراضي الزراعية بسبب ارتفاع المياة الجوفية و زيادة الملوحة و التعدي علي الأراضي الزراعية و الحرث الجائر و انتشار أمراض و اوبئة جديدة مثل كرونا
ايوة كرونا اصل من أسباب تغيرات المناخ قطع الغابات و الغابات هي موطن 80% من الكائنات الحية فدخول الإنسان وسط الكائنات الحية من غير علم و احتياطات ممكن يتنقل له امراض من الحيوانات بيسموها امراض حيوانية المنشأ لان الفيروسات بتعيش في اجسام الكائنات الحية خاصة الثديات و الطيور تاكل و تشرب و تغير من تكوينها بدون ما تظهر اصابة علي الحيوان لأنة عائل وسيط و تطلع تصيب الإنسان
تعالوا نشوف رسائل كرونا لينا قالت اية
لازم يتعامل مع الحيوانات بحرص بلاش نفسنا يكون في نفسهم و بلاش يكونوا معانا في نفس السكن و نغسل ايدينا و نطهرها بالكحول بعد ما نلمسهم .
و الاهتمام البحث العلمي و مشاركة الأبحاث العلمية و توافر خطط طوارئ للتصدي للحوائج و الأوبئة و الحد من الاتجار غير المشروع فى التنوع البيولوجي ايوة في تجارة في الكائنات الحية و نتج عنها أسواق اسمها الأسواق الرطبه و عملت اقتصاد اسمة اقتصاد اسود
أسود ايوة يعني اي تجارة في اشياء ممنوعة بيسموها كدة و سرعة التغيير لاقتصاد اخضر و الحد من التعدي علي الموائل الطبيعية لمنع الاختلاط بين الإنسان و الحيوان و رفع الوعي بالكائنات الحية المستأنثة و الإنسان هو السبب الرئيسي لتلك الحوائج نتيجة للتدهور البيئي الذي احدثة في الكوكب
طيب دة سبب في اسباب تانية اة استخدام الوقود الإحفورى و التغيّرات في الغطاء النباتي للأرض و الأنشطة الصناعية و التعدي علي المجاري المائية و الحرق المكشوف في مقالب القمامة و غازات الإحتباس الحرارى
غازات الإحتباس الحرارى اة هي غاز ثانى أكسيد الكربون يمثل 4/5 حجم غازات الاحتباس الحرارى بسبب الأنشطة البشرية زاد تركيزه 60% و غاز الميثان ينطلق فى الغلاف الجوى عن طريق مزارع الأرز وصناعة الأسمدة و الحرق المكشوف لمخلفات الطعام و روث الحيوانات و اكسيد النيتروز من الأسمدة الكيماوية و غازات الفلوروكلوروكربون والهيدروفلوروكلوروكربون .
و في سنة 1992 في ريو دي جانيرو اجتمع اكتر من 192 دولة عشان يوقعوا علي اتفاقية تغيرات المناخ اللي بتقول عايزين نحافظ علي متوسط الزيادة في درجة حرارة الأرض لا تزيد عن 1.5 درجة في 2030 لان موارد العالم بتتدهور و كمان الدول المتقدمة تساعد الدول النامية بما قيمتة 100 مليار دولار
طيب حد نفذ الكلام دة لا ماحدش نفذ الكلام دة طب لية ما احنا قولنا العالم كل تفكيرة في الفلوس مش في الموارد اللي بتجييب الفلوس عشان الدول تحقق اجمالي الناتج المحلي و لما يزيد يبقي كدة في تقدم اقتصادي.
في سنة 2008 حصل ازمة اقتصادية كبيرة في العالم بنسبة 1.4% و اجتمع كبار رجال الأعمال في العالم و كتبوا خطاب للأمم المتحدة دول العالم لازم تتحول من اقتصاد خطي الي اقتصاد صديق للبيئة و في الوقت دة ظهر الإقتصاد الأخضر و في 2010 احتفل العالم بيوم البيئة العالمي بعنوان الاقتصاد الاخضر .
استني براحة شوية فهمنا يعني اية اقتصاد خطي اقولكم يعني استخراج موارد و صناعة و استهلاك و مخلفات و المخلفات يتم التخلص منها بطرق غير امنة تزيد من التلوث
و يعني اية اقتصاد اخضر يعني استثمارات و مشاريع و مصانع بتقام ولكن بشرط انها تحافظ علي البيئة يعني الانبعاثات الخارجة من المصانع تكون في حدود القانون و المخلفات يتم التخلص منها عن طريق شركات لجمع المخلفات او لو امكن اعادة استخدمها فى الصناعة مرة اخري و تلتزم بالإشتراطات البيئية الصادرة عن وزارة البيئية و اللي بتختلف من صناعة لأخري هو تقييم الأثر البيئي و دية موافقة زي موافقة الدفاع المدني و الصحة و موفقات كتير لأي منشأة صناعية.
و من هنا بدأنا نسمع عن مصطلح جديد التنمية المستدامة و هنا لازم نقف و ناخد نفسنا عشان المصطلح دة مش مجرد كلمة دة بقي استراتيجية عالم و علم يدرس في الجامعات و العالم كله عمل زينا وقف ياخد نفسة لان التنمية المستدامة قلبت موازين العالم و عملت زي ما بيقولوا اختلال توازن .
في اللحظة دية أفاق العالم من تنمية تعتمد علي اقتصاد بني ملوثا يقيس تقدمة بإجمالي الناتج المحلي إلى شعار آخر مواردنا هي اصول ثابتة يجب استثمارها و الحفاظ عليها من مرض التلوث الذي أصابها من النشاط السلبي للبشرية لنضمن الحفاظ علي حقوق الأجيال القادمة حيث أن تلك الموارد هي قرض من أولادنا يجب رده كما سلمه لنا أجدادنا و بذلك نضمن تنمية اقتصادية واجتماعية وبيئية و هي دية التنمية المستدامة
تعتمد في قياس تقدم الدول علي رؤوس أموالنا الطبيعية بالإضافة الي اجمالي الناتج المحلي للحافظ علي صحة كوكبنا وصحة الإنسان من خلال ١٧ هدف و 247 مؤشر لقياس مدي التقدم المحقق كل سنة في كل هدف لأن الشيئ الذي لا يمكن قياسة لا يمكن تنفيذة ومدة تنفيذ تلك التنمية، 15 سنة و تعتمد علي 3 محاور تنمية اقتصادية و اجتماعية و بيئية
طب ازاي الدول هتعمل تنمية في 3 محاور مختلفة مرة واحدة دة صاحب بالين كداب
كلامك صح بس في نقطة انت مش فاهمها ان من مبادئ التنمية المستدامة التكامل يعني اية يعني لو تخيلنا محاور التنمية المستدامة شجرة جذرها الموارد الطبيعية و الجذع و السيقان التنمية الإجتماعية ( 7 مليار ) و الأوراق التنمية الإقتصادية ( مصنع البناء الضوئي ) و الثمرة هي اجمالي الناتج المحلي لو الجذر مات الشجرة تموت و هنا يبان معني التكامل
طب لية 15 سنة كتير اوي لا مش كتير لأن العالم دلوقتي بيحاول يحافظ علي الموارد اللي لسة بصحتها و يعالج الموارد اللى بدأ فيها مرض التلوث و دة مش في يوم و ليلة دة محتاج وقت كبير و فلوس كتير
عرفتوا لية اختل توازن العالم عشان الإستراتيجية العالمية للتنمية المستدامة اجبرت العالم علي دخول الموارد الطبيعية في الحسابات الإقتصادية يعني كل دولة تشوف كمية مواردها الصالحة للإستخدام و الملوثة و يخصم الموارد الملوثة من اجمالي الناتج المحلي
طيب هي الدول هدخل الموارد الطبيعية في حسابتها ازاي سؤال جميل احنا متفقين ان الشيئ الذي لا يمكن قياسة لا يمكن تنفيذة و اي دولة عايزة تعمل تنمية عشان تلبي احتياجات المجتمع و تعرف هي حققت ولا لا لازم يكون عندها اقتصاد وظفيتة يشوف الموارد الطبيعية للدولة قد اية و احتياجات المجتمع اية و معاهم فلوس قد اية و دة من خلال ارقام و حسابات ينتج عنها احصائيات توضع امام متخذ القرار عشان يقول اية يتعمل .
و عشان نقيس التنمية المستدامة اتولد من رحمها عدد من الإقتصاديات زي الإقتصاد الأخضر و دة قولنا انة خاص بالمشاريع و الإقتصاد الأزرق و دة خاص بالمسطحات المائية و الكائنات البحرية و الإقتصاد الحيوي و دة خاص بالزراعة و الإقتصاد الدائري و دة خاص بالتخلص الأمن من المخلفات وتحقيق اقصي إستفادة منها و كلهم هدفهم تحقيق اعلي اجمالي ناتج محلي بشرط عدم حدوث تلوث للموارد الطبيعية و العمل علي زيادتها و الحفاظ عليها .
طيب يعني اية الاستدامة الإستدامة هي الحد من التلوث الذي يهدد صحة الإنسان و النظم الأيكلوجية و الأجيال المقبلة بمعني ابسط الوقاية خير من العلاج و العلاج من خلال المسئولية المجتمعية يعني معايير و قوانين و لوائح منظمة يجب الإلتزام بها و كمان 7 مليار مسئولين عن تحقيق الإستدامة لان محدش هيحافظلك علي اكلك و شربك اكتر من نفسك .
و خلي بالك كمان انها تعتمد في تخطيطها علي قواعد بيانات يعني الرقمنة يعني الإحصائيات يعني لازم نعرف ازاي نقرأ الرقم و نفهم المقصود بية اية و دة يعتمد علي وعيك بما يدور حولك سواء في بلدك او في العالم
بس دة مش هيتحقق إلا من خلال إحساسنا بمسؤوليتنا المجتمعية تجاه الموارد الطبيعية و بالتخلي عن الطاقات السلبية والعمل بروح الفريق (التكامل ) وحب العمل التطوعي من خلال الدور المهم لمنظمات المجتمع المدني و الرجوع الي القراءة من خلال الصديق الأمين وهو الكتاب مش من مواقع التواصل الإجتماعي والشفافية في التعامل، وتقبل الرأي والرأي الآخر، وتحليل المشاكل إلى جوانبها الاقتصادية والاجتماعية والبيئية التي تحقق الاستدامة و مش هنقدر نحلل من غير ما نكون عندنا ثقافة (التعليم و التعلم ) واتحاد القطاع الخاص مع منظمات المجتمع المدني مع الحكومة اللى بيسموه المثلث الذهبي للتنمية المستدامة يتحدوا حول هدف واحد هو الدفع بعجلة التنمية المستدامة.
طيب العالم بدأ ينفذ و يفهم ان المشاكل اللي بتواجهه كلها بسبب التلوث و تغيرات المناخ
بدأ يفهم ولكن متأخر في سنة 2020 لما صدر تقرير المنتدي الإقتصادي العالمي اللى بينتظرة قادة العالم كل سنة عشان يعرفوا اية اخطر المشاكل اللى بتهدد الإقتصاد العالمي و يأخذوا احتياطاتهم و في 2020 التقرير قال ان تغير المناخ من اخطر المشاكل اللى بتهدد الإقتصاد العالمي لمدة 10 سنين و من هنا بدأ العالم يتحرك . #COP27

مقالات ذات صلة

الردود

لن يتم نشر عنوان بريدك الإلكتروني. الحقول الإلزامية مشار إليها بـ *